Back Radioterapia AN علاج بالأشعة Arabic Radioterapia AST Радиотерапия Bulgarian বিকিরণ চিকিৎসা Bengali/Bangla འཕྲོ་འགྱེད་བཅོས་ཐབས་ Tibetan Radioterapija BS Radioteràpia Catalan Radioterapie Czech Radiotherapi Welsh
D Straaletherapii (au Radiotherapii, Radioonkologii) isch s medizinische Fachgebiet, wo sich mit dr medizinische Aawändig vo dr ionisierende Straalig uf e Mensch und uf Dier befasst, zum Chrankhäite z häile oder iizdämme.
As ionisierendi, hochenergetischi Straale wärde vor allem Gammastraale, Rönggestraale und Elektronestraale verwändet. In de letschte Joor het mä au Aalaage zur Behandlig mit Neutrone, Protone und schwere Ione (hüfig mit Choolestoff-Atom) baut. Straale, wo nit ionisiere, wie zum Bischbil Mikrowällestraale und Wermistraale, Liecht- und UV-Therapii und d Behandlig mit Ultraschallwälle ghööre nid zur Straaletherapii.
D Straaletherapii umfasst d Behandlig vo guet- und bösartige Chrankäite. Si wird vo Fachärzt für Radiologii oder für Straaletherapii, wo vo medizinisch-technische Assistänte understützt wärde, und vo spezialisierte Medizinfüsiker aagwändet, wo noch dr Straaleschutzverordnig handle. Vor dr äigetlige Therapii git s e komplexe Blaanigsbrozäss, d Bestraaligsblaanig. Umfangriichi organisatorischi und technischi Maasnaame zur Kwalidäätssicherig sorge drfür, ass Fääler bi dr Bestraalig so guet wie mööglig chönne usgschlosse wärde.